काठमाडौं : २०३६ सालमा रेडियो नेपालमा प्रथम पुरस्कार जित्न सफल भएको गीत ४६ वर्षपछि पुन: रेकर्ड गरिएको छ । शब्द, संगीत तथा स्वर स्वर्गीय कृष्णविक्रम थापाले दिएका थिए। ४६ वर्षपछि पुनः सोही गीत तयार भएर आएको छ।

अहिले भने उनकै जेठा पुत्र राजु थापाले स्वर दिएका छ्न् । सिन्धुलीको सान बोकेको गीतको छायांकन सिन्धुली जिल्लाकै सेरोफेरोमा भएको छ। जसमा रमेश विश्वकर्मा र दीप्सा कार्की मुख्य भूमिकामा देखिएका छन् भने पवन केसी, सत्य देबि, पबित्रा रम्तेल तथा काजी थापाले सहायक भूमिका गरेका छन्।
गीतको सुन्दर दृश्य बासु बरालले कैद गरेका छन् भने भिडियो निर्देशन निर्देशक क्रान्ति केसीले गरेका छन् ।